कुणीतरी असावे...

                                                   कुणीतरी असावे...


कुणीतरी असावे...
हसता हसता डोळ्यात पाणी आणि
रडता रडता ओठांवर हसू फुलवणारे...

कुणीतरी असावे...
काळजीपोटी रागावणारे,वाट पाहणारे, रुसणारे
आपल्यावर मनापासून प्रेम करणारे...

कुणीतरी असावे...
मनातले न सांगता समजून घेणारे
वेळ प्रसंगी हृदयात सामावून घेणारे...

कुणीतरी असावे...
सारे जग जरी विरुद्ध झाले तरी
आपल्याबाजूने खंबीरपणे उभे राहणारे...

कुणीतरी असावे...
जीवन जगतोय याची खात्री देणारे
आणि नसताना स्वतःचीच उणीव भासवणारे...

कुणीतरी असावे...
स्वतःची जाणीव करून देणारे
आयुष्यभर आपली  साथ देणारे...

कुणीतरी असावे...
स्वतःवर  प्रेम करायला भाग पाडणारे...
भूतलावर  स्वर्गीय अनुभव मिळवून देणारे...

खरच कुणीतरी असावे... आपल्याला खरच आपल म्हणणारे...