प्रेमात अशी अवस्था का व्हावी

                       

प्रेमात अशी अवस्था का व्हावी !!!

प्रेमात अशी अवस्था का व्हावी
तिच्या शिवाय   दुसरे काहीच का  न सुचावे ?
सारे असूनही तिच्या शिवाय   ह्या  जीवनात कमतरता का भासावी ?

प्रेमात अशी अवस्था का व्हावी
तिच्या केवळ दिसण्याने हृदयाची स्पंदने का वाढवीत ?
तिला भेटून आल्यावर रात्रभर झोप का न यावी ?

प्रेमात अशी अवस्था का व्हावी
तिला सोडून साऱ्यांनाच माझ्या  प्रेमाबद्दल  कळावे
तीने  मात्र एक मित्र म्हणूनच माझी ओळख सांगावी

प्रेमात अशी अवस्था का व्हावी
तिलाच तिच्याबद्दल (तिलाच न कळता) भरभरून सांगावे
पण "ती" तूच आहेस हेही सांगता का न यावे ?

प्रेमात अशी अवस्था का व्हावी
 जे सांगायचे त्या व्यतिरिक्त सर्वकाही सांगावे
महत्वाची  गोष्ट  मात्र  मुखातून बाहेरच  न यावी

प्रेमात अशी अवस्था का व्हावी
तिच्याशी बोलायला मनाने सर्व तयारी करावी
ती समोर आल्यावर जीभ का अडखळावी ?

प्रेमात अशी अवस्था का व्हावी
मी मैत्रीला प्रेम आणि तीने  प्रेमाला मैत्री म्हणावे
मैत्री आणि प्रेमात अशी गल्लत का व्हावी ???


खरच...
प्रेमात अशी अवस्था का म्हणून व्हावी...???