मैत्रीण...

                                                          मैत्री...  

मैत्रीची परिभाषा तिनेच शिकवली 

अपेक्षांचे ओझे त्यामुळेच कमी झाले...

मित्रांबरोबर आपलेपणाने वागणे, हक्काने रागावणे 

सारेकाही तिच्यामुळेच शिकलो...

चुकांमुळे होणारे ते रुसवे फुगवे 

त्यातूनच धरलेला तो अबोला 

त्यातही येणारी एक मजा 

एकमेकांबद्दल वाढणारा जिव्हाळा 

सारे तिनेच शिकविले...

मनात फुलात चाललेल्या भावनेसारखी

मैत्री बहरत गेली नवीन पालविसारखी...

तिच्या मनातले मला, माझ्या मनातले तिला 

हे कळण्याला एकच भाव असतो असे नाही 

निखळ मैत्रीतही असे होते 

खरे मित्र सापडल्या शिवाये त्याचा प्रत्यय येणे नाही...

तुझ्या मैत्रीला उपमा द्यावी कशी 

अमृताला असे गोडी जशी 

मित्रत्वाला पूर्ण करते जशी मैत्री 

मला पूर्णत्व देते तुझीच  मैत्री...