खरच... ह्यालाच का प्रेम म्हणत असावेत...

                                      ह्यालाच का प्रेम म्हणत असावेत...

तिने काही बोलू नये मिही काही बोलू नये 

तरीही एकमेकांच्या  मनातले  कळावे...

 ह्यालाच का प्रेम म्हणत असावेत...

तिचा तो नाजूक कोमल स्पर्श हातालाच नव्हे 

तर हृदयालाही स्पर्शून जावा आणि मन तृप्त होऊन जावे...

 ह्यालाच का प्रेम म्हणत असावेत...

ती हसताना चेहरयावर हसू  खुलावे  

ती रडताना नकळतच डोळ्यातून अश्रू  यावेत...

 ह्यालाच का प्रेम म्हणत असावेत...

खूप काही बोलायचे, सांगायचे या वेळी... असे ठरवावे

तिला पाहिल्यावर "HI" म्हनन्यापलीकडे तोंडातून शब्दही बाहेर न पडावेत...

 ह्यालाच का प्रेम म्हणत असावेत...

खूप दिवसांनी फोन करून तासनतास बोलावे

आणि सगळे विषय संपल्यासारखे मधेच गप्प होऊन बसावे...

 ह्यालाच का प्रेम म्हणत असावेत

ती बरोबर असताना तिला पाहताच रहावे 

तिने पहिले कि उगीचेच हसून नजर वळवावी...

 ह्यालाच का प्रेम म्हणत असावेत...

ती न दिसल्यावर मन व्याकूळ व्हावे

तिला शोधायला सैरावैरा धावत सुटावे...

 ह्यालाच का प्रेम म्हणत असावेत...

खरच...  ह्यालाच का प्रेम म्हणत असावेत...